Ikaw Pa Rin

IKAW PA RIN..

Mula ng ika'y nakita at nasilayan,

Kailanma'y 'di na nawala sa isipan.

Tuwing ikaw ay aking pinagmamasdan

Tila isang bituing sa gabi nasusulyapan.

Ikaw ay aking ginawang inspirasyon

Isang gabay tungo sa aking ambisyon

Mahalin ka man ng may mga kondisyon

Pag-ibig ko, sa'yo pa rin paroroon.

Nagawa kong maging batang matalino

Maganda rin sa mata ng mga tao  .

Sila ma'y tutol sa pag-ibig ko sa'yo,

Patutunayan kong ito ay totoo.

Kung mawala ka man sa aking paningin,

Bulong at sigaw ng puso'y ikaw pa rin.

Pagmamahal ko sa iyo'y totoo at buong-buo

At kailanma'y 'di ito magbabago.

Image source:

http://farm6.static.flickr.com/5218/5407733044_bfd183720a.jpg